للزياره .. توجّهنا بزمانك للزياره .. وأمان الله و أمانك للزياره .. عقيدتنا وضمانك زرنا الحُسين بكربله ندفع عمرنا و نبذله للزياره
العام الهجري: 1445
كلمات الشاعر: نادر التتان
أداء الرادود: احمد فيصل المؤمن
في زمانك يبو العسكري الغالي وانته كافلنا و الحامي و الوالي زرنا جم مره جدك ابو اسكينه وتذكر القصه يالهادي معروفه بشنهو ضحينا لكن ولا انعوفه دمنا يجري بحر بس لجل عينه ذاك اللي سيّل الماي .. صوب القبر بلا راي بس ما قدر يزيله .. وظل مايه حاير ظل يمنع الزياره .. عن مرقده و مزاره بس للقبر وصلنا .. وكل شيعي زاير رساله الكل زمن .. ترى احسين الوطن .. والهادي يدري رغم كل البله .. نوصّل كربله .. لو دمنا يجري للوديعه .. من الماضي عهدنا للوديعه .. نظل نوفي وعدنا محسومه هذي المسأله ندفع عمرنا و نبذله
قال اذا الشيعي يم كربله زحفه لابد بهالزحف تنقطع چفه طارت اچفوف و فرشت ثرى الوادي شنهو چفي وانا الكربله واصل يكفي بس اذكر اچفوف ابو فاضل واشهد اعلى الوفا بدمي يالهادي رد قال اذا تزورن .. لازم بعد تضحون كل عشره واحد يموت .. والله و ركضنا رد قال اذا تريدون .. تسعه بعد يموتون ما همنا يقطع انحور .. نسبق بعضنا ابو الأكبر شمِس .. فداله كل نفِس .. والهادي شايف نزور بكل شغف .. شرف والله شرف .. هاي المواقف واحسينا .. هتفنا بكل تفاني واحسينا .. و شهادتنا الأماني علمنا راعي المرجله ندفع عمرنا و نبذله
في زمانك زيارتنا مبروره قلنا لو عالجمر نلفي و انزوره مرقد احسين وما نهجره ساعه يكفي يوم اللي ظل عاري بالغبره عافته الناس وماحد حفر قبره و زينب اتألمت لحظة اوداعه ثبّتنا حبنا وياك .. غصباً بعد على اعداك ما نقطع الزياره .. لو قطّعونا يالهادي دوّن اجروح .. واحنا اللي نوهب الروح بس ما نفارق احسين .. لو يمنعونا نزوره و نفتخر .. عزمنا ما يخر .. والهادي يشهد ابو السجاد يظَل .. ذخرنا و الأمل .. واسنينه تمتد للشهاده .. مثل زحفة بوفاضل للشهاده .. ولا انشوف الهوازل بالموت و دربه يا هلا ندفع عمرنا و نبذله
غِيره يالهادي منك عرفناها وكربله بكل عقيده قصدناها واللي عنده الحُسين اش نقَص عنده راد يغير مبادئنا بسيوفه وصاحب المبدأ يضحي بچفوفه والحُسين اللي يطلب ولا انردّه صرنا بزمانك آساد .. ياريته هالزمن عاد بس نهتني بوجودك .. وانته الوسيله محلا الزياره والموت .. يل راح وخلّى هالصوت ذوبو بمحبه احسين .. مثل العقيله يظلام اعرفو .. اذا بيكم كفو .. يمنع زحفنا ابد ما ننكسر .. ترى ننطي العمر .. ما ننطى چفنا يا بوفاضل .. يمن بيك اقتدينه يا بوفاضل .. خذ بعشقك ايدينه ولو متنا شنهي المشكله ندفع عمرنا و نبذله